Рэспубліканскі конкурс работ даследчага характару (канферэнцыя) вучняў па вучэбных прадметах «Беларуская мова» і «Беларуская літаратура»
24–25 лютага 2021 года ў Нацыянальным інстытуце адукацыі праходзіць заключны этап рэспубліканскага конкурсу работ даследчага характару (канферэнцыі) вучняў па вучэбных прадметах «Беларуская мова», «Беларуская літаратура», «Грамадазнаўства», «Сусветная гісторыя», «Гісторыя Беларусі». Мерапрыемства праводзіцца ў рэжыме анлайн на платформе Zoom. 24 лютага конкурсныя іспыты праходзілі па секцыях «Лінгвістыка» (вучэбны прадмет «Беларуская мова») і «Літаратуразнаўства» (вучэбны прадмет «Беларуская літаратура»). У мерапрыемстве прымалі ўдзел вучні ўстаноў агульнай сярэдняй адукацыі – пераможцы абласных (Мінскага гарадскога) этапаў конкурсу – з усіх рэгіёнаў краіны. Гродзенскую вобласць на канферэнцыі прадстаўляў вучань нашай школы Юхневіч Уладзіслаў з работай "Дынаміка развіцця антрапанімнай прасторы беларускай народнай і літаратурнай казкі ў лінгвакультуралагічным аспекце (на прыкладзе чарадзейна-фантастычных казак). Кіраўнік работы Квецень Валянціна Чаславаўна, настаўнік беларускай мовы і літратуры. Віншуем Уладзіслава і Валянціну Чаславаўну з перамогай (дыплом 1 ступені).
