Тыдзень роднай мовы
З 20 по 25 лютага ва ўстанове адукацыі пройдзе Тыдзень роднай мовы "Любіце, ведайце і шануйце родную мову". Запрашаем усіх зацікаўленых прыняць актыўны ўдзел у мерапрыемствах Тыдня.
20 лютага (панядзелак) на школьнай лінейцы быў аб'яўлены старт традыцыйнай акцыі "Размаўляй са мной па-беларуску". Дадзеная падзея нагадала слухачам аб важнасці захавання ў свеце моўнай разнастайнасці, праблеме якой і прысвечаны Міжнародны дзень роднай мовы (21 лютага). Прадстаўнікі класаў разам прачыталі верш-прызнанне роднай мове. А каб лягчэй было размаўляць па-беларуску, вучні школы прыгадалі некаторыя словы школьнай лексікі падчас калектыўнай гульні.
21 лютага (аўторак) навучэнцы 3-5 класаў прынялі ўдзел у віктарыне "Загадкі з роднай хаткі". Дзве каманды вучняў спаборнічалі ў веданні лексікі беларускай мовы. Колькі прыгожых, самавітых, мілагучных, родных беларускіх слоў прагучала ў паэтычных загадках!
У гэты ж дзень навучэнцы 3-4 класаў пабывалі ў літаратурнай гасцёўні "У гасцях у часопіса "Вясёлка". "Пагарталі" старонкі любімага часопіса, пазнаёміліся з творчасцю беларускіх дзіцячых пісьменнікаў.
Педагогі ўстановы адукацыі і навучэнцы 11 класа праверылі сваё веданне беларускай мовы, прыняўшы ўдзел у юбілейнай 5 купалаўскай дыктоўцы "Ліст да Радзімы". У гэты ж дзень настаўнікі і вучні далучыліся да напісання штогадовага гродзенскага абласнога дыктанта, які пісаўся ў гэтым годзе па тэксце "Музейная гара"
22 лютага (серада) вучні пачатковых класаў прынялі ўдзел у інфарм-дайджэсце "Пазнай Беларусь". Навучэнцы ўзнавілі веды старонак гісторыі Радзімы, прагледзелі відэафрагменты аб развіцці беларускага грамадства. Цікавай была гульня-віктарына "Усё пра Беларусь!"
23 лютага (чацвер) навучэнцы 5-11 класаў сустрэліся на пляцоўцы мовазнаўцаў "Смак роднага слова". Падчас сустрэчы вучні спазналі лексічнае значэнне адметных, але незнаёмых для сучасных дзяцей беларускіх слоў (смаката, аблавуха, слодыч, трускаўкі і іншыя), спаборнічалі ў веданні беларускіх народных прыказак, выказвалі свае думкі пра родную мову, Радзіму.
25 лютага (пятніца) адбыўся песенны марафон "Мова родная - мова модная", у якім навучэнцы змаглі адчуць меладычнасць, мілагучнасць і непаўторнасць роднага слова, паспрабаваць свой песенны таленты.
Дашкольнікі і іх бацькі таксама прынялі ўдзел у Тыдні роднай мовы. У бацькоўскім кутку змешчана інфармацыя “Размаўляйце на беларускай мове”. 24 лютага для выхаванцаў быў арганізаваны Вечар загадак на беларускай мове. На працягу тыдня дашкольнікі гулялі ў беларускія народныя гульні “Шэры кот”, “Вожык і мышы”, “Журавель”, “Жмуркі”, “Маша”, “Грушка” і інш. Падчас акцыі “Чытаем вершы на роднай мове” узгадалі літаратурныя творы, успомнілі беларускіхпісьменнікаў.
26 лютага (субота) тыдзень роднай мовы завяршыўся агульнашкольным святам Масленіцай, якое прайшло ў рамках фестывалю народных святаў. У гэты дзень дзеці пазнаёміліся з народнымі традыцыямі, звязанымі з гэтым святам, паўдзельнічалі ў народных гульнях і забавах, якімі суправаджаўся масленічны тыдзень. Не абыйшлося і без пачастункаў блінамі і іншай хатняй выпечкай. Кульмінацыйным момантам свята стала традыцыйнае спальванне пугала Масленцы, якое па традыцыі сімвалізавала надзею беларусаў на хуткі надыход вясны.
